Թուրքիան ավարտել է իր առաջին տեղական արտադրության արագընթաց էլեկտրական գնացքի հավաքումը և պատրաստվում է սկսել փորձարկումները։
Թուրքիայի տրանսպորտի և ենթակառուցվածքների նախարար Աբդուլքադիր Ուրալօղլուի խոսքով՝ «Ազգային էլեկտրական արագընթաց գնացք» նախագծի շրջանակում առաջին գնացքային կազմն արդեն պատրաստ է։ Նրա հայտարարությամբ՝ մարտի 6-ին գնացքը դուրս կբերվի գծերի վրա, և կսկսվի պաշտոնական փորձարկման փուլը։
Փորձարկումների ընթացքում կստուգվեն գնացքի արագության, արգելակման, կառավարման և գծերի հետ համատեղելիության բոլոր տեխնիկական ցուցանիշները։
Թուրք նախարարի խոսքով՝ ծրագիրը նախատեսում է նաև նոր արտադրություն․
2026-2028 թվականներին նախատեսվում է կառուցել ևս 14 նման գնացքային կազմ։
Նոր արագընթաց գնացքը բաղկացած է 8 վագոնից՝ ալյումինե կառուցվածքով և նախատեսված է մինչև 577 ուղևոր տեղափոխելու համար։
Աղբյուր՝ gunhaber.com.tr
