Թուրքիայի նախագահ Ռեջեփ Թայիփ Էրդողանը հեռախոսազրույց է ունեցել Կատարի էմիր շեյխ Թեմիմ բին Համեդ Ալ Սանիի և Ղազախստանի նախագահ Կասիմ Ժոմարտ Տոկաևի հետ: Էրդողանը գործընկերների հետ քննարկել է տարածաշրջանում տիրող օրակարագային իրավիճակը և վերջին զագացումները:
Շեյխի հետ զրույցում Թուրքիայի նախագահը ցավակցություն է հայտնել թուրք-կատարական համատեղ ուժերի հրամանատարական կետում տեղի ունեցած ուղղաթիռի վթարի առթիվ, նույն թեմայով ցավակցությունը փոխադարձաբար հղել է նաև ալ-Սանին:
Բացի այդ, Կատարի ղեկավարը Էրդողանին շնորհակալություն է հայտնել տարածաշրջանում ընթացող պատերազմը դադարեցնելու համար ձեռնարվող քայլերի համար և նշել, որ երկու երկրների ուժայինները պետք է մնան տևական երկխոսության մեջ:
Տոկաևի հետ հանդիպման ընթացքում տարածաշրջնային հարցերին զուգահեռ քննարկվել են երկկողմ հարաբերությունները և համաշխարհային զարգացումները:
Էրդողանը շեշտել է, որ շարունակելու են հարաբերություններն էլ ավելի բարձր մակարդակի հասցնելուն միտված գործողություններն ու առաջիկա ժամանակներում քայլեր են ձեռնարկելու այդ ուղղությամբ: Վերջինս նաև հաջողություններ է մաղթել Ղազախստանում անցկացված սահմանադրական հանրաքվեի արդյունավետության հարցում, ինչպես նաև շնորհավորել Ռամադանի և Նովրուզի (իսլամական տոներ) առթիվ:
Աղբյուր՝ Trt Haber
