Ամերիկյան մամուլի տեղեկություններով՝ Թուրքիան, Եգիպտոսը և Պակիստանը ջանադրաբար փորձում են առաջիկա 48 ժամվա ընթացքում Իսլամաբադում կազմակերպել ԱՄՆ-ի և Իրանի ներկայացուցիչների հանդիպումը։ «The Wall Street Journal»-ի փոխանցմամբ՝ երեք երկրների միջնորդները փորձում են նպաստել բանակցությունների մեկնարկին, սակայն նշվում է, որ հակամարտող կողմերի դիրքորոշումները շարունակում են մնալ զգալիորեն տարբեր։
Ըստ հրապարակման՝ Պակիստանը առաջարկել է միջնորդել խաղաղության բանակցություններում՝ նպատակ ունենալով ավարտել հակամարտությունը։ Միաժամանակ հաղորդվում է, որ ԱՄՆ-ն իրանական կողմին ներկայացրել է 15 կետից բաղկացած առաջարկ, որը հիմնված է նախկինում առաջ քաշված պահանջների վրա։
Հիշեցնենք, որ փետրվարի 28-ին ԱՄՆ-Իսրայել տանդեմն անօդաչու թռչող սարքերով և հրթիռային հարվածներով հարձակում էր իրականացրել Իրանի տարածքի վրա, ինչին էլ ի պատասխան իրանական կողմը գործողություններ էր սկսել, որոնք երկուստեք շարունակվում են մինչ օրս: Ռազմական գործողությունները տարածվել են ամբողջ Մերձավոր Արևելքի տարածքում՝ ընդհուպ մինչև ԱՄԷ և Սաուդիան Արաբիա:
Աղբյուր՝ Milliyet
