Թուրքիայի արտգործնախարար Հաքան Ֆիդանը մարտի 30-ին հեռախոսազրույց է ունեցել «Միացյալ ազգերի կազմակերպության» (ՄԱԿ) գլխավոր քարտուղար Անտոնիո Գուտերեշի հետ: Ինչպես հայտնում են գերատեսչության աղբյուրները՝ օրակարգում է եղել տարածաշրջանային իրավիճակը:
Նշվում է, որ կողմերը մասնավորապես քննարկել են տարածաշրջանում (նկատի է առնվել Մերձավոր Արևելքը) ընթացող պատերազմն ավարտելուն միտված քայլերին վերաբերող հարցեր: Ավելի ուշ հաղորդվել է նաև, որ Թուրքիայի ԱԳ նախարարը հեռախոսազրույց է ունեցել Իրանի, Սիրիայի և Պակիստանի արտգործնախարարներ Աբբաս Արաղչիի, Ասադ Շեյբանիի և Մուհամեդ Իսհակ Դարի հետ:
Աղբյուր՝ Trt Haber
