Թուրքիայի արտաքին գործերի նախարարության աղբյուրներն անդրադարձել են «Հորիզոն Եվրոպա» (Horizon Europe) ծրագրի վերաբերյալ որոշ լրատվականներում տարածվող լուրերին՝ ընդգծելով, որ դրանք չեն համապատասխանում իրականությանը, և Թուրքիան չի հեռացվել այդ ծրագրից:
Ընդգծվել է, որ Թուրքիան ծրագրին մասնակցում է դեռևս 2003-ից, որն այդ ժամանակ կոչվում էր «AR-GE», իսկ այժմ շարունակում է «Հորիզոն Եվրոպա» անունով թարմացված ծրագրի «2028-2034 թթ-ի ժամանակաշրջանի մասնակցության և իրագործման կարգավորումները» հստակեցնող «Եվրամիության» (ԵՄ) կանոնների նախագծի շուրջ աշխատանքները:
Դրան զուգահեռ նշվել է, որ իրենց կողմից առաջարկվել են որոշակի փոփոխություններ, որոնք սակայն վերջնական տեսք են ունենալու «Եվրախորհրդարանի» (ԵԽ) և «Եվրոպական խորհրդի» միջև ընթացող բանակցությունների արդյունքում՝ շեշտվելով, որ դրանք չեն առնչվում ծրագրին Թուրքայի ընդհանուր մասնակցության կարգավիճակին և վերաբերում են Թուրքիայի՝ որոշ կոմպոնենտներին մասնակցություն ունենալուն:
Նշենք, որ «Հորիզոն Եվրոպան» ԵՄ-ի 2021-2027 թթ. հետազոտությունների և նորարարությունների ամենամեծ՝ 95.5 միլիարդ եվրո բյուջեով, շրջանակային ծրագիրն է։ Այն աջակցում է գիտական նախագծերին, էկոլոգիապես մաքուր «կանաչ» ծրագրերին, ինչպես նաև թվային անցումներին։
Աղբյուր՝ Trt Haber
Թուրքիայի ռազմարդյունաբերության վարչությունը ձեռք կբերի ԱԲ-ով աշխատող կառավարման համակարգեր
«ASELSAN» ընկերության հետ կնքվել է 469 մլն 974.000 դոլարի ընդհանուր արժողությամբ պայմանագիր։
