Թուրքիայի փոխնախագահ Ջևդեթ Յըլմազը Բաքվում մասնակցում է «Թյուրքախոս պետությունների կազմակերպության» (ԹՊԿ) անդամ երկրների վարչապետերի և փոխնախագահների ժողովին։ Անդրադառնալով մի շարք հարցերի՝ Յըլմազը խոսել է նաև Հարավային Կովկասի, Ադրբեջանի ու Հայաստանի միջև խաղաղության գործընթացից։ Ըստ նրա՝ Թուրքիան ողջունում է Ադրբեջանի ու Հայաստանի միջև մնայուն խաղաղություն հաստատելու ուղղությամբ ձեռնարկվող դրական քայլերը։
«Մենք ցանկանում ենք, որ տարածաշրջանում ստեղծված պատմական հնարավորությունը գնահատվի, և երկու երկրների միջև կստորագրվի խաղաղության համաձայնագիր։ Հարավային Կովկասում կայունության և համագործակցության միջավայրը կմեծացնի թյուրքական աշխարհի փոխգործակցությունը։ Հավատում ենք, որ տրանսպորտի, էներգետիկայի, ենթակառուցվածքների և հաղորդակցության ոլորտներում նոր համագործակցության հնարավորությունները զգալի ներդրում կունենան թյուրքական աշխարհի բարօրության գործում»,- հայտարարել է Յըլմազը։
Աղբյուր՝ Anadolu
