Կանադայի վարչապետ Մարկ Քարնիի և Թուրքիայի նախագահ Ռեջեփ Թայիփ Էրդողանի միջև տեղի ունեցած հեռախոսազրույցի ընթացքում կողմերը քննարկել են երկկողմ հարաբերությունների ընդլայնման հարցեր։
Պաշտոնական տվյալների համաձայն՝ կողմերը համաձայնության են եկել մեծացնել առևտրի և ներդրումների ծավալները, ինչպես նաև խորացնել համագործակցությունը պաշտպանության և էներգետիկայի ոլորտներում։ Քննարկվել են նաև նոր հնարավորություններ՝ մասնավորապես միջուկային էներգիայի և պաշտպանական մատակարարումների ուղղությամբ։
Բացի այդ, ուշադրություն է դարձվել նաև մաքուր էներգիայի նախագծերին և կլիմայական համագործակցությանը։ Նշվել է, որ առաջիկայում կարող են զարգանալ նոր համատեղ ծրագրեր՝ կապված ՄԱԿ-ի կլիմայի փոփոխության համաժողովի հետ, որը նախատեսվում է անցկացնել Թուրքիայում։
Հեռախոսազրույցի ընթացքում Էրդողանը հրավիրել է Կանադայի վարչապետին մասնակցելու Անկարայում նախատեսվող ՆԱՏՕ-ի գագաթնաժողովին, ինչպես նաև առաջարկել է պաշտոնական այց կատարել Թուրքիա մինչև 2026 թվականի ավարտը։
Աղբյուր՝ www.sde.org.tr
