Հրանտ Դինք հիմնադրամի հովանու ներքո գործող «23․5» հուշավայրում ապրիլի 21-26-ը կանցկացվի հիշատակի շաբաթ հուշավայրի բացման 7-րդ տարելիցի կապակցությամբ։ Շաբաթվա ընթացքում նախատեսված են հանդիպում-քննարկումներ և երաժշտական կատարումներ։
Միջոցառումների շրջանակում, Զատկի տոնի առթիվ, կպատրաստվի ավանդական զատկական ուտեստներ։
Ծրագիրը կազմվել է Հրանտ Դինքի «23․5 ապրիլ» հոդվածից ներշնչված։ Այն հրապարակվել էր 1996թ․ ապրիլի 23-ին «Ակոս» թերթում և գնահատվում է որպես փոփոխության կոչ, անցյալի ու ապագայի կապ և հավասարակշռություն ցավի ու հույսի միջև։
Մանրամասն տեղեկատվությունը հասանելի է հիմնադրամի պաշտոնական կայքում և սոցիալական ցանցերում։
Աղբյուր՝ agos.com.tr
