Թուրքիայի արտգործնախարար Հաքան Ֆիդանն Անթալիայի դիվանագիտական ֆորումի շրջանակներում հանդիպել է Ռուսաստանի արտգործնախարար Սերգեյ Լավրովի հետ։ Կողմերը քննարկել են երկկողմ հարաբերությունները և տարածաշրջանային զարգացումները։
Նախարարները ստորագրել են Թուրքիայի և Ռուսաստանի արտգործնախարարությունների միջև 2026-2027թթ. խորհրդատվական գործողությունների ծրագիրը, որով նախատեսվում է ձևավորել երկու երկրների արտաքին քաղաքական գերատեսչությունների համագործակցությունը, պլանավորումը և երկխոսությունը։
Վերոնշյալ ծրագրով որոշվել է Թուրքիայի և Ռուսաստանի միջև առաջիկա երկու տարում դիվանագիտական խորհրդատվական մեխանիզմների ճանապարհային քարտեզը:
