Հայաստանը մամուլի ազատության ինդեքսով աշխարհում 50-րդն է: «Լրագրողներ առանց սահմանների» կազմակերպությունը հրապարակել է 2026-ի մամուլի ազատության վերաբերյալ զեկույցը։ Ըստ մամուլի ազատության ինդեքսի՝ մամուլի ազատությունն ամբողջ աշխարհում նվազել է՝ հասնելով վերջին 25 տարվա ամենացածր մակարդակին։
Նշվում է, որ աշխարհի երկրների ավելի քան 50-ը դասակարգվում է որպես մամուլի ազատության առումով «դժվար» կամ «լուրջ/շատ լուրջ» իրավիճակում գտնվող երկրների շարքում։ Ի տարբերություն նախորդ տարվա ցուցանիշի՝ 34-րդ հորիզոնականի, Հայաստանը հետընթաց է գրանցել՝ 180 երկրի շարքում զբաղեցնելով 50-րդ հորիզոնականը։
Նշվել է, որ «չնայած Հայաստանն ունի բազմազան մեդիադաշտ, այն բևեռացված է և ընդգծվում է, որ Հայաստանում ապատեղեկատվության և ատելության խոսքի մակարդակն աննախադեպ է ու պայմանավորված է «ներքաղաքական լարվածությամբ, երկրի սահմաններին անվտանգության խնդիրներով և Ռուսաստանի ու Եվրամիության միջև Հայաստանի բարդ իրավիճակով»:
Զեկույցում տեղ է գտել նաև Թուրքիան. այն, մամուլի ազատության տեսանկյունից կազմված երկրների ցանկում նախորդ տարվա համեմատ հետադիմելով 4 հորիզոնական, 180 երկրի շարքում զբաղեցրել է 163-րդ տեղը:
Աղբյուր՝ Ermenihaber.am
