Թուրքիայի առևտրային պալատների և ապրանքային բորսաների միության (TOBB) նախագահ Ռիֆաթ Հիսարջըքլըօղլուն մասնակցել է Թուրքիա-Բելգիա տնտեսական ֆորումին։ Նա նշել է, որ ներկայումս առևտրի ծավալը մոտենում է 10 մլրդ դոլարի և կողմերը մտադիր են այն հասցնել 15 մլրդ դոլարի։ Նա նշել է, որ բելգիական ընկերությունների ներդրումները Թուրքիայում կազմում են մոտավորապես 5 մլրդ դոլար ու մատնանշել, որ Թուրքիայում գործում է մոտ 700 բելգիական ընկերություն։
«Մենք տեսնում ենք շատ ուժեղ համագործակցության հնարավորություններ, մասնավորապես՝ ռազմարդյունաբերության, տեխնոլոգիաների, լոգիստիկայի, էներգետիկայի և արտադրության ոլորտներում»,-նշել է նա։
Անդրադառնալով Թուրքիայի և Եվրամիության միջև Մաքսային միության հարաբերություններին՝ նա նշել է, որ դրանք ունեն ռազմավարական արժեք ու հավելել է, որ Թուրքիան ուժեղ և հուսալի գործընկեր է ոչ միայն բելգիական ընկերությունների, այլև Եվրամիության բոլոր երկրների մատակարարման շղթաների համար։
Աղբյուր՝ Haberler.com
