«Կիպրոսի ռազմավարական հետազոտությունների կենտրոնի» հրապարակած «Կիպրոսի ռազմական ուժերը 2026» զեկույցում նշվում է, որ կղզում ռազմական ուժերի հավասարակշռությունը շարունակում է մնալ Թուրքիայի օգտին։ Հունական «SigmaLive» տեղեկատվական վեբկայքի փոխանցմամբ՝ զեկույցում ընդգծվում է, որ թուրքական կողմը հունական կողմի նկատմամբ զգալի առավելություն ունի մարդկային ռեսուրսների, օդային և ծովային կարողությունների, ինչպես նաև օպերատիվ աջակցության ոլորտներում։
Ըստ այդմ՝ յուրաքանչյուր 1 հույն զինծառայողի դիմաց բաժին է ընկնում մոտ 3.6 թուրք զինվոր։ Նշվում է նաև, որ թուրքական կողմը շուրջ 2.1 անգամ առավելություն ունի տանկերի քանակով։ Բացի այդ ընդգծվում է, որ Թուրքիան շարունակում է կղզում ամրապնդել իր ռազմական ենթակառուցվածքները։ Մասնավորապես նշվում է, որ Գեչիթքալեի ավիաբազան օգտագործվում է «Bayraktar» և «Akıncı» թուրքական անօդաչու թռչող սարքերի համար և կարող է վերահսկել Արևելյան Միջերկրականի մեծ հատվածը։
Աղբյուր՝ Milliyet
