ՆԱՏՕ-ում Մեծ Բրիտանիայի ռազմական ներկայացուցիչ, բրիգադի գեներալ Էլդոն Միլարը խոսել է ՆԱՏՕ-ում Թուրքիայի դերի վերաբերյալ։ Նա նշել է, որ Թուրքիան դաշինքի անդամ է ավելի քան 70 տարի և շատ կարևոր գործընկեր է ՆԱՏՕ-ի համար։ Ըստ նրա՝ իր ռազմավարական դիրքով պայմանավորված Թուրքիան ծառայում է որպես կենսական կամուրջ աշխարհի տարբեր տարածաշրջանների միջև։
«Թուրքիան ՆԱՏՕ-ի համար շատ կարևոր գործընկեր է։ Կարևոր դեր է խաղացել դաշինքի ներսում, կարելի է ասել, դաշինքի հիմնադիր անդամներից մեկն է»,- նշել է նա։
Միլարը նաև նշել է,որ Թուրքիայում կան դաշինքի կարևոր բազաներ, և դրանք շարունակում է իսկապես նշանակալի դեր խաղալ դաշինքի կողմից իրականացվող գրեթե յուրաքանչյուր գործողության, առաքելության և գործունեության մեջ ու, ըստ այդմ, շատ առումներով Թուրքիան, թերևս, դաշինքի ամենակարևոր անդամն է։
Անդրադառնալով Մեծ Բրիտանիայի ու Թուրքիայի հարաբերություններին՝ Միլարը նշել է, որ ամեն օր Բրյուսելում իր թուրք գործընկերոջ հետ հանդիպում և քննարկում են դաշինքի առջև ծառացած բազմաթիվ հարցեր։ Ըստ նրա՝ Մեծ Բրիտանիան և Թուրքիան դաշինքի երկու ծայրերում գտնվող հենասյուներն են։
Աղբյուր՝ Yeniasya.com.tr
