Թուրքիայի գլխավոր ընդդիմադիր «Ժողովրդահանրապետական» կուսակցության (ԺՀԿ-CHP) անդամ և Ստամբուլի նախկին քաղաքապետ Էքրեմ Իմամօղլուն գրառում է արել Kurban Bayram-ի (Զոհաբերության տոն) կապակցությամբ։
«Տոնի նախօրեին ստիպված եք առերեսվել իրականության հետ։ Այս երկրում տոներն արդեն լի են տխրությամբ և հուսահատությամբ։ 2017-ին աղքատության մեջ ապրող մանուկների թիվը կազմում էր 36.8%, իսկ հիմա դարձել ենք մի երկիր, որտեղ այդ ցուցանիշը 2026-ին կհասնի 50%-ի։ Վերջին 12 տարվա ընթացքում մանկական բոլոր հիմնական պարագաների (տակդիրներից մինչև կաթնախառնուրդ) գինը 402 լիրայից (3225 դրամ) բարձրացել է մինչև 6680 լիրա (53.603 դրամ)։ Ուղիղ 16 անգամ թանկացել է։
Մենք հիմա դարձել ենք մի Թուրքիա, որտեղ կառավարությունը սով և աղքատություն է մատնում մեր 7 մլն երեխաներին, նույնիսկ թերսնման է հանգեցնում մոր արգանդում»,- գրել է նա։
Ըստ նրա՝ կառավարությունը զբաղված է միայն ժողովրդավարությանն ու արդարադատությանը հարվածներր հասցնելով, մեկ ստորագրությամբ բացում ու փակում է մի ամբողջ համալսարան, նշանակում է գլխավոր ընդդիմադիր կուսակցության հոգաբարձու և այլն։
«Հանգիստ թողեք այս ազգին»,- վրդովվել է Իմամօղլուն։
Աղբյուր՝ Oksijen
