Թուրքիայից շենգենյան վիզայի դիմումներն ամենաշատը հաստատել է Պորտուգալիան

Եվրոպական միության (ԵՄ) հրապարակած պաշտոնական տվյալների համաձայն՝ Թուրքիայի քաղաքացիների ներկայացրած վիզայի դիմումներին ամենադրականն արձագանքել է Պորտուգալիան։ Այս երկիրը հաստատել է Թուրքիայից ստացված դիմումների 96.5%-ը։

Ըստ հրապարակված վիճակագրության՝ 2025-ին շենգենյան գոտու երկրները Թուրքիայից ընդհանուր առմամբ ստացել են ավելի քան 1.2 մլն վիզայի դիմում, որոնցից 183.196-ը (14.6%) մերժվել է։

Թուրքիայում շենգենյան երկրների հյուպատոսությունները նշված ժամանակահատվածում տրամադրել են ընդհանուր առմամբ շուրջ 1.73 մլն վիզա։ Ուշագրավ է, որ տրված վիզաների զգալի մասը՝ 68.7%-ը, եղել են բազմակի մուտքի (multiple) արտոնությամբ։

Տվյալների համաձայն՝ Թուրքիայի քաղաքացիներն ամենաշատը դիմել են Հունաստանի դեսպանատուն, իսկ ամենաշատ մերժում տված երկրների թվում առաջատար է Գերմանիան, որը մերժել է թուրքական հայտերի 21.1%-ը։

Աղբյուր՝ Oda Tv