Ամերիկյան «CNN» առցանց լրատվական հարթակը, հղում անելով 4 իրազեկ աղբյուրի, նշում է, որ Իսրայել-Իրան հակամարտության ընթացքում Իսրայելը հարևան երկրներում գաղտնի բազաների ցանց ստեղծել, մասնավորապես Ադրբեջանում, Իրաքում, ԱՄԷ-ում և Սոմալիլենդում։ Ադրբեջանում գտնվող բազաները ենթադրաբար օգտագործվել են ինչպես հետախուզական տվյալներ հավաքելու, այնպես էլ գործողություններին աջակցելու համար։ Պնդում է արվում, որ Ադրբեջանն այս գաղտնի ցանցի ամենակարևոր օղակներից մեկն է։
Ըստ CNN-ի՝ իսրայելական ուժերը գործել են հարավային Ադրբեջանի տարբեր կետերում՝ Իրանի սահմանի մոտ։ Այդ վայրերից մի քանիսը ենթադրաբար գտնվում են Թավրիզից մոտ 100կմ հեռավորության վրա, որը պատերազմի ժամանակ Իսրայելի օդային հարվածների թիրախն էր դարձել։
Նշվում է, որ Ադրբեջանի բազաներում տեղակայված ենե ղել տասնյակ զինվորներ, այդ թվում՝ Մոսադի անձնակազմը, հատուկ նշանակության ստորաբաժանումներ և էլիտար ուղղաթիռային որոնողական-փրկարարական խմբեր։
Լրատվամիջողը նաև հայտնում է, որ Ադրբեջանում գտնվող բազան դեր է խաղացել մարտի 4-ին Իրանի Իսլամական հեղափոխության պահապանների կորպուսի հատուկ գործողությունների հրամանատար Ռահման Մուկադդամի սպանության գործում։ Հաղորդվում է, Ադրբեջանում գտնվող բազան ապահովել է գործողության լոգիստիկ աջակցություն։
Հիշեցնենք, որ Մուկադդամի սպանությունից մեկ օր անց Նախիջևանի օդանավակայանը թիրախավորվել է անօդաչու թռչող սարքի կողմից, որից հետո Ադրբեջանի նախագահ Իլհամ Ալիևը այդ հարձակման մեջ մեղադրել էր Իրանին։
Աղբյուր՝ Ermenihaber.am
