ՆԱՏՕ-ի գլխավոր քարտուղար Մարկ Ռուտեն խոսել է Անկարայում հուլիսի 7-8 կայանալիք ՆԱՏՕ-ի գագաթնաժողովի վերաբերյալ։ Նա նշել է, որ Թուրքիան չափազանց կարևոր դեր ունի Հյուսիսատլանտյան դաշինքի համար։
«Թուրքիան դաշինքի ամենաուժեղ բանակներից մեկն է։ Շատ լավ սպառազինված ու մարզված։Ունի հսկայական ռազմարդյունաբերական առավելություն։ Ռազմարդյունաբերության արտադրության ավելացումն ամենակարևոր առաջնահերթություններից մեկն է։ Մենք այս հարցի վրա կկենտրոնանանք Անկարայի գագաթնաժողովի առաջին օրը կայանալիք ռազմարդյունաբերական ֆորումում»,- նշել է Ռուտեն։
Ռուտտեն նաև հույս է հայտնել, որ երբ մարդիկ ապագայում հիշեն Անկարայի գագաթնաժողովը, կասեն, որ դա գագաթնաժողով էր, որտեղ ստանձնած պարտավորությունները գործնականում կիրառվեցին:
«Մենք խոստումներ տվեցինք Հաագայում, և Անկարայի գագաթնաժողովը պետք է լինի իրականացման գագաթնաժողով», ընդգծել է ՆԱՏՕ-ի գլխավոր քարտուղարը։
