Թուրքիայի նախագահ Ռեջեփ Թայիփ Էրդողանն Անկարայում ընթացող ՆԱՏՕ-ի անդամ երկրների 36-րդ գագաթնաժողովի շրջանակներում երկկողմ հանդիպումներ է ունեցել Ֆինլանդիայի նախագահ Ալեքսանդր Ստուբի և Կանադայի վարչապետ Մարկ Քարնիի հետ։
Կանադայի վարչապետի հետ փակ հանդիպմանը քննարկվել են երկկողմ հարաբերություններն ու տարածաշրջանային խնդիրները։ Հանդիպմանը մասնակցել են նաև Թուրքիայի արտգործնախարար Հաքան Ֆիդանը, ֆինանսների նախարար Մեհմեդ Շիմշեքը, նախագահականի հանրային կապերի վարչության ղեկավար Բուրհանեթթին Դուրանը և նախագահի արտաքին քաղաքականության հարցերով գլխավոր խորհրդական Աքիֆ Չաղաթայ Քըլըչը։
Էրդողանը շեշտել է առևտրի, անվտանգության, էներգետիկայի և հատկապես ռազմարդյունաբերության ոլորտում կապերի խորացման անհրաժեշտությունը։ Բացի այդ, Թուրքիայի նախագահը հայտարարել է, որ Անկարան կողմ է ՆԱՏՕ-ի եվրոպական թևի ուժեղացմանը, սակայն դա չպետք է փոխարինի «տրանսատլանտյան կապին»։
Նա հավելել է, որ ԵՄ անդամ չհանդիսացող դաշնակիցները (ինչպիսին է նաև Թուրքիան) նույնպես պետք է ներգրավվեն Եվրոպայի պաշտպանական նախաձեռնություններում։
Ինչ վերաբերում է Ֆինլանդիայի նախագահի հետ հանդիպմանը, այն ևս անցել է մամուլի համար փակ ռեժիմով։ Հաքան Ֆիդնաը, Մեհմեդ Շիմշեքը, Բուրհանեթթին Դուրանը և Աքիֆ Չաղաթայ Քըլըչը ևս ներկա են գտնվել այս հանդիպմանը։
Աղբյուր՝ Trt Haber
