Թուրքիան շարունակում է աճ գրանցել բժշկական տուրիզմի ոլորտում։ Թուրքիայի «Ծառայություններ արտահանողների միության» (HİB) վարչության անդամ և «Առողջապահական ծառայությունների կոմիտեի» նախագահ Մուստաֆա Էրյոուտի փոխանցած տվյալների համաձայն՝ նախորդ տարի՝ 2025-ին երկիրն այս ոլորտում ռեկորդային ցուցանիշներ է գրանցել։
Ըստ այդմ՝ 2025-ին բժշկական ծառայություններից օգտվելու նպատակով Թուրքիա այցելած օտարերկրացի հիվանդների թիվը կազմել է շուրջ 1.4 մլն, իսկ նրանցից ստացված եկամուտները՝ գերազանցել 3.22 մլրդ դոլարը
Ոլորտում դրական դինամիկան պահպանվել է նաև ընթացիկ տարվա սկզբին․ 2026-ի առաջին եռամսյակում (հունվար-մարտ) Թուրքիայում բուժում է ստացել ավելի քան 302.000 օտարերկրյա քաղաքացի։ Այս ժամանակահատվածում էլ ստացված եկամուտը կազմել է 761 մլն 523.000 դոլար։
Նշվում է նաև, որ մեկ հիվանդից ստացված միջին եկամուտը նախորդ տարվա նույն ժամանակահատվածի համեմատ աճել է շուրջ 39%-ով։ Ըստ թուրք մասնագետների՝ սա փաստում է, որ Թուրքիան աստիճանաբար անցում է կատարում ավելի բարձրարժեք և որակյալ բժշկական ծառայությունների մատուցմանը։
Աղբյուր՝ ODA TV
