Ռուսաստանի Տաման նավահանգստից դեպի Տրապիզոն ածուխ տեղափոխող թուրքական դրոշով «Mv Reyhan Sarı» բեռնատար նավը Նովորոսիյսկի ափամերձ հատվածում ենթարկվել է անօդաչու թռչող սարքի (ԱԹՍ) հարձակման։ Թուրքական լրատվամիջոցների փոխանցմամբ՝ հարձակման ենթարկված նավը հասել է Տրապիզոնի նավահանգիստ։
ԱԹՍ-ի հարձակման հետևանքով նավի տեխնիկական սպասարկման բաժնում գտնվող Թուրքիայի քաղաքացի, 54-ամյա Սավաշ Չաքարը տեղում մահացել է: Նավի անձնակազմի ևս 2 անդամ վիրավորվել և ուղղաթիռով տեղափոխվել է Սամսունի հիվանդանոցներ:
Հարձակման հետևանքով նավը ստացել է նյութական վնասներ, սակայն կարողացել է շարունակել ընթացքը և հասնել վերջնակետ: Այժմ Տրապիզոնի նավահանգստում իրականացվում են մահացածի մարմինը դուրս բերելու և դատաբժշկական փորձաքննության հանձնելու աշխատանքները: Ածխի բեռնաթափումից հետո նավը կլքի նավահանգիստը:
Աղբյուր՝ Son Dakika
