ԱՄՆ-ի Կոնգրեսի ներկայացուցիչների պալատ է ներկայացվել օրենքի նախագիծ, որով նախատեսվում է մեծացնել Հունաստանում ամերիկյան ռազմական ներկայությունը՝ այդ թվում նաև կղզիներում:
Թեմային անդրադարձած թուրքական աղբյուրը գրում է. «ԱՄՆ-ն մեր հարևան երկիրը վերածել է զինապահեստի»։
Այսպիսով ԱՄՆ-Հունաստան անվտանգային համագործակցության ամրապնդմանն ուղղված նոր նախագիծը, ըստ ԱՄՆ ռազմական գերատեսչության, նոր հնարավորություններ կստեղծի։
Համապատասխան նախագծի վերաբերյալ Պենտագոնը զեկույց կներկայացնի ներկայացուցիչների պալատ, որն էլ թույլ կտա ամերիկյան զինված ուժերին 4 հավելյալ ռազմաբազա տեղակայել Հունաստանում:
Նշենք, որ նախագծի համահեղինակ կոնգրեսականներ Գրեյս Մենգը, Գուս Բիլիրաքիսը, Դինա Տիտուսը և Նիկոլ Մալլիատակոսը շեշտում են, որ այդ նախաձեռնությունը վճռորոշ ժամանակաշրջանում է կյանքի կոչվում։
Հունաստանի պաշտպանության նախարար Նիկոս Դենդիասը հեռախոսազրույց է ունեցել իր ամերիկացի պաշտոնակից Փիթ Հեգսեթի հետ։ Կողմերը քննարկել են «ռազմավարական պաշտպանության ոլորտում հարաբերությունների հետագա խորացման» հարցերը։ Դենդիասը Հեգսեթի հրավիրել է մոտ ապագայում այցելել Աթենք։
