Թուրքիայի արտաքին գործերի նախարար Հաքան Ֆիդանը պաշտոնական այցով գտնվում է Լիբիայում, որտեղ շարունակում է հանդիպումներն ու շփումները: Այցի շրջանակներում Ֆիդանը եղել է ինչպես մայրաքաղաք Տրիպոլիում, այնպես էլ երկրի արևելյան հատվածում՝ Բենղազիում:
Տրիպոլիում Թուրքիայի ԱԳ նախարարը հանդիպել է Ազգային միասնության կառավարության վարչապետ Աբդուլհամիդ Դիբեյբեի հետ: Կողմերը քննարկել են երկկողմ հարաբերությունները, քաղաքական գործընթացները և անվտանգությանը վերաբերող հարցերը: Բենղազիում Ֆիդանը հանդիպումներ է ունեցել արևելյան լիբիական ուժերի առաջնորդ Խալիֆա Հաֆթերի, ինչպես նաև Ներկայացուցիչների պալատի նախագահ Ագիլա Սալիհի հետ:
Հաքան Ֆիդանը շեշտել է, որ այս այցը Թուրքիայի «Մեկ Լիբիա» քաղաքականության դրսևորումն է, որը տարբերություն չի դնում երկրի արևելքի, արևմուտքի և հարավի միջև: «Թուրքիան Լիբիայի խաղաղությունն ու կայունությունը չի տարանջատում սեփական կայունությունից»,- նշել է նա::
Այցի ընթացքում Ֆիդանը նաև այցելել է Տրիպոլիում տեղակայված թուրքական զինված ուժերի խմբավորման հրամանատարություն և Բենղազիում գտնվող Լիբիայի ազգային հերոս Օմար Մուխթարի հուշահամալիր:
Աղբյուր՝ TRT Haber
