Թուրքիայի նախագահ Ռեջեփ Թայիփ Էրդողանը հեռախոսազրույց է ունեցել Ղազախստանի նախագահ Կասիմ-Ժոմարտ Տոկաևի, Կոնգոյի Դեմոկրատական Հանրապետության նախագահ Ֆելիքս Չիշեսեկեդիի և Ռուանդայի նախագահ Պոլ Կագամեի հետ։
Ղազախստանի նախագահի հետ քննարկվել են երկկողմ հարաբերությունները և տարածաշրջանային հարցեր։ Էրդողանը շնորհավորել է Տոկաևին օգոստոսի 23-ին Ղազախստանում կայացած Քուրուլթայի ընտրությունների կապակցությամբ՝ նշելով, որ ընտրողների բարձր մասնակցությունը հանրային աջակցության ցուցանիշ է իրականացվող բարեփոխումների նկատմամբ։
Թուրքիայի նախագահը նշել է, որ առաջիկա ժամանակահատվածում կողմերը կձգտեն բարելավել հարաբերությունները։
Կոնգոյի Դեմոկրատական Հանրապետության նախագահի հետ Էրդողանը քննարկել է երկկողմ հարաբերություններն ու տարածաշրջանային հարցեր։ Էրդողանը հայտնել է, որ Թուրքիան կշարունակի քայլեր ձեռնարկել բազմաթիվ ոլորտներում՝ այդ թվում ներդրումների, առևտրի, ռազմարդյունաբերության և անվտանգության ոլորտներում։
Իսկ Ռուանդայի նախագահի հետ քննարկվել են ինչպես քաղաքական, այնպես էլ տնտեսական հարցեր։ Էրդողանը նշել է, որ երկու երկրների միջև առևտրի և ներդրումների ոլորտում դրական առաջընթաց է գրանցվել, և որ նրանք կշարունակեն համատեղ աշխատել բազմաթիվ ոլորտներում, մասնավորապես՝ ռազմարդյունաբերության մեջ։
Թուրքիայի նախագահը նաև անդրադարձել է Ռուանդայի և Կոնգոյի Դեմոկրատական Հանրապետության միջև լարվածությունը նվազեցնելու ուղղությամբ գործադրվող ջանքերին ու նշել, որ Թուրքիան աջակցում է այդ գործընթացին։
Աղբյուր՝ TRT Haber
