Վերջին շրջանում կրկին լարվածություն է նկատվում թուրք-հունական հարաբերություններում՝ կապված Էգեյան ու Արևելյան Միջերկրական ծովերում առկա իրավիճակի հետ։ Աթենքը չորս սցենար է նախատեսում Անկարայի հետ հարաբերությունների սրման պարագայում։ Նշվում է, որ Հունաստանը նաև քննարկում է Կրետեից հարավ գտնվող իր տարածքային ջրերը մինչև 12 ծովային մղոն ընդլայնելու հարցը։
Ըստ հունական «Kathimerini»-ի թերթի՝ լարվածությունը կարող է կապված լինել հետևյալ հարցերի հետ։ Մասնավորապես Աթենքի կողմից քննարկվող առաջին սցենարը ծովային իրավասության գոտիների և մայրցամաքային շելֆի սահմանների շուրջ է։ Երկրորդ սցենարը կապված է Հնդկաստանին պատկանող ջրերում թուրքական ձկնորսական նավերի գործունեության հետ։
Երրորդը վերաբերում է թուրքական անօդաչու թռչող սարքերի թռիչքներին, իսկ չորրորդ սցենարը ներառում է հնարավոր լարվածություն, որոնք կարող են առաջանալ Իսրայելից ձեռք բերվելիք «Աքիլեսյան վահան» հակաօդային պաշտպանական համակարգերի մատակարարման ընթացքում:
Հունական թերթը նաև նշում է, որ այսուհանդերձ երկու երկրների միջև հաղորդակցության ուղիները շարունակում են մնալ բաց։ Բացի այդ նշվել է, որ այս չորս սցենարները չեն նշանակում, որ երկրները պատրաստվում են պատերազմի։
Աղբյուր՝ Manşet Haber
