Գազայում ապրող երեխաների համար կազմակերպվել է Ստամբուլում կազմակերպվել է միջոցառում։ Այն կրել է «Մի՛ կրակեք օդապարուկների վրա, թող երկինքը մնա երեխաների համար» խորագիրը։ Երեխաները թուրքական ու պաղեստինյան դրոշներով օդապարուկներ են թռցրել։
Ստամբուլի նահանգային կրթության վարչության պետ Մուրաթ Մյուջահիթ Յենթուրը հայտնել է, որ օդապարուկները տվյալ դեպքում խորհրդանշում են ազատություն։ Նա նաև նշել է, որ Գազայում ապրող երեխաների վիճակը բիծ է մարդկության պատմության վրա։
«Ուզում ենք, որ մեր երեխաներն իրազեկ լինեն։ Ցանկանում ենք, որ նրանց աղոթքներով կառուցվի նոր աշխարհ՝ հիմնված սիրո, խղճի, արդարության և կարեկցանքի վրա»,- նշել է նա։
Աղբյուր՝ Anadolu
