Թուրքիայի Ազգային հետախուզական ծառայության (MİT) ղեկավար Իբրահիմ Քալընն Աֆղանստան կատարած այցից հետո մեկնել Է Պակիստան։ Նա Իսլամաբադում հանդիպել է Պակիստանի բանակի շտաբի պետ, մարշալ Ասիմ Մունիրի և Պակիստանի Ազգային անվտանգության ծառայության ղեկավար Ասիմ Մալիքի հետ։
Կողմերը քննարկել են Թուրքիայի և Պակիստանի միջև հարաբերությունների ներկայիս վիճակը, ապագա համագործակցության հնարավորությունները, ինչպես նաև տարածաշրջանային և համաշխարհային զարգացումները։ Օրակարգային հարցերի թվում է եղել ԱՄՆ-ի ու Իսրայելի կողմից Իրանի հետ հակամարտությունը, Մերձավոր Արևելքում անվտանգության հավասարակշռությունը, տարածաշրջանային լարվածության աճը, ինչպես նաև պատերազմի քաղաքական, անվտանգության և տնտեսական հետևանքները տարածաշրջանի երկրների վրա։
Բացի այդ քննարկվել են նաև տարբեր երկրներ և տարածաշրջաններ հակամարտության տարածման ռիսկի վերաբերյալ զարգացումները։Այդ համատեքստում քննարկվող թեմաների շարքում են եղել նաև Եմենի և Սաուդյան Արաբիայի միջև վերջին լարվածությունը։
Բանակցությունների ընթացքում ընդգծվել է վերջերս կնքված Մեքքայի համատեղ ռազմական համաձայնագրի կարևորությունը, որը հիմք է հանդիսանում կողմերի միջև կոնսենսուսի հասնելու համար տարածաշրջանային կայունության վերականգնման համատեքստում։
Հանդիպման ընթացքում ձեռք է բերվել համաձայնություն՝ Թուրքիայի և Պակիստանի միջև անվտանգության և հետախուզության ոլորտներում առկա բարձր մակարդակի համագործակցությունը շարունակելու վերաբերյալ, և ընդգծվել է, որ Թուրքիան աջակցում է Պակիստանին ահաբեկչության դեմ պայքարում։
Աղբյուր՝ TRT Haber
