Ադրբեջանում գլխաշորի կիրառման արգելիքց հետո, ինչպես հայտնի է, լարվածություն է առաջացել թուրք-ադրբեջանական հարաբերություններում։ Ադրբեջանի դպրոցներում հագուստի կանոնակարգման փոփոխությունից հետո արգելվել է գլխաշոր կրող աշակերտուհիների մուտքը դպրոցներ։ Դա քննադատել էր Թուրքիայի նախագահի գլխավոր խորհրդական Օքթայ Սարալը։
Գլխաշորի թեմայի շուրջ ծագած լարվածության ֆոնին ադրբեջանական մամուլում կրկին շրջանառվել էին նախագահ Իլհամ Ալիևի՝ Աթաթուրքի մասին նախկին հայտարարությունները, ինչպես նաև Շուշիում Աթաթուրքի անունը կրող փողոցի բացման կադրերը։
Հոդվածագրի մեկնաբանությամբ՝ դա ունի Անկարային հասցեագրված քաղաքական ուղերձ․ Աթաթուրքի հիշատակումը Բաքվի կողմից ընդգծում է Ադրբեջանի աշխարհիկ պետականության սկզբունքը և այն դիրքորոշումը, որ այլ պետությունները չպետք է միջամտեն իր ներքին գործերին։ Սա փաստում է, որ գլխաշորի շուրջ առաջացած վեճը վերածվել է ավելի լայն քաղաքական տարաձայնության։
Վերջում հիշեցվում է, որ 2024-ին Անկարայում Աթաթուրքի դամբարան այցելած Իլհամ Ալիևը հուշահամալիրի պատվավոր հյուրերի մատյանում արած գրառման մեջ Աթաթուրքին բնութագրել է որպես թուրքական աշխարհի մեծ զավակ և հանճարեղ առաջնորդ։
Աղբյուր՝ Haberiniz.com
