Հունաստանի գլխավոր ընդդիմադիր ուժ հանդիսացող «ՊԱՍՈԿ» կուսակցության խոսնակ Կոստաս Ցուկալասը Թուրքիայի և Լիբիայի միջև ծովային գոտիների սահմանազատման համաձայնագրի վավերացումը որակել է որպես Հունաստանի կառավարության դիվանագիտական ձախողում: Նա կոչ է արել քննարկել Անկարայի նկատմամբ պատժամիջոցների կիրառման հնարավորությունը։
«Mega» հեռուստաալիքին տված հարցազրույցում Ցուկալասը քննադատել է վարչապետ Կիրիակոս Միցոտակիսի վարած արտաքին քաղաքականությունը՝ ՄԱԿ-ի Գլխավոր ասամբլեայում նրա ելույթից հետո։
Ցուկալասը նշել է, որ համաձայնագրի անվավերության մասին միայն երկրի ներսում հայտարարելը բավարար չէ, և Անկարայի՝ օրակարգը պղտորելու փորձերին պետք է պատասխանել պատժամիջոցներով։
Իր հերթին Միցոտակիսը հայտարարել է, որ ծովային իրավունքին հակասող կամայական պնդումները իրավական ուժ չունեն և չեն կարող խաթարել Հունաստանի ազգային ծրագրերը։ Նա այս մասին խոսել է կառավարության նիստում՝ հիշեցնելով ՄԱԿ-ի Անվտանգության խորհրդում իր ելույթը։
Աղբյուր՝ Milliyet
