Գերմանիայի արտգործնախարար Յոհան Վադեֆուլը Բունդեսթագում պատասխանել է պատգամավորների հարցերին՝ անդրադառնալով նաև Թուրքիա-Գերմանիա վիզային գործընթացի ուղղությամբ տարվող քայլերին։
Նախարար Վադեֆուլը հայտնել է, որ արագացվել են այն աշխատանքները, որոնք միտված են Թուրքիայից Գերմանիա մեկնող գործարարների համար վիզաների տրամադրման գործընթացը հեշտացնելուն։
«Մենք այս պահին դա շատ արագ կյանքի ենք կոչում։ Այդ հարցով բոլոր ստորաբաժանումներին համապատասխան հանձնարարականները տրված են»։
Վադեֆուլն ընդգծել է, որ Գերմանիայի կողմից վիզաների տրամադրման գործընթացի արագացումը հնարավոր չէ իրականացնել միայն վարչական կարգավորումներով։ Անհրաժեշտություն կա ավելի շատ աշխատակիցներ հատկացնել Գերմանիայի արտաքին գործերի նախարարությանը։
Աղբյուր՝ Birgün
