Թուրքիայի նախագահ Ռեջեփ Թայիփ Էրդողանի և նրա ադրբեջանցի գործընկեր Իլհամ Ալիևի միջև շփումները շարունակվում են, չնայած հոկտեմբերին երկու երկրների միջև առկա տարաձայնություններին։
Նշենք, որ նոյեմբերի 8-ին Էրդողանը մեկնել էր Շուշի` մասնակցելու Ադրբեջանի «Հաղթանակի օրվան» նվիրված միջոցառումներին։
Հանդիպման ավարտին Ալիևը հայտարարել է, որ այսօր կմասնակցի Անթալիայում կայանալիք COP31 կլիմայական համաժողովին։
Այս հայտարարությունը մեկնաբանվել է որպես Թուրքիայի և Ադրբեջանի միջև լարվածության ավարտի նշան։ Ճգնաժամից հետո Ալիևը չէր մասնակցել Անկարայում կազմակերպված միջոցառմանը՝ փոխարենը պատվիրակելով արտգործնախարարին։
Շուշիում կազմակերպված պաշտոնական ընթրիքի ընթացքում Էրդողանն ու նրա կինը՝ Էմինե Էրդողանը, հանդիպել են Ադրբեջանի նախագահ Իլհամ Ալիևի և նրա կնոջ՝ Մեհրիբան Ալիևայի հետ։
Էրդողան ամուսինները միջոցառման շրջանակում նաև հիշատակի լուսանկար են արել զինվորական պաշտոնյաների հետ։
Ադրբեջանում նախատեսված հանդիպումներն ավարտելուց հետոԷրդողանը մեկնել է Թուրքիա։
Թուրքական ընդդիմադիր «Kronos» լրատվակայքը թեմայի վերաբերյալ հրապարակումը վերնագրել է հետևյալ կերպ․ «Էրդողանը գնաց Շուշի, Ալիևի դիրքորոշումը մեղմացավ, գալիս է Անթալիա»։
Աղբյուր՝ Kronos
