Պայթյուն Թուրքիայի Իզմիր քաղաքում. կան զոհեր

Թուրքիայի Իզմիր նահանգի Ալիաղա շրջանում գտնվող HABAŞ մետալուրգիական գործարանում պայթյուն է տեղի ունեցել, որի հետևանքով առնվազն 3 աշխատակից զոհվել է, 14-ը՝ վիրավորվել։ Վիրավորներից 3-ի վիճակը ծանր է, ևս 10 աշխատակցի որոնողական աշխատանքները շարունակվում են։

Պայթյունից հետո գործարանի տարածքում հրդեհ է բռնկվել, դեպքի վայր են ժամանել փրկարարական և բժշկական խմբեր։

Իզմիրի նահանգապետարանի նախնական տվյալներով՝ պայթյունը տեղի է ունեցել հեղուկ պողպատի ձուլման ընթացքում։ Ենթադրվում է, որ վերամբարձ կռունկը ընկել է էլեկտրական աղեղային վառարանի մեջ։

Թուրքիայի ներքին գործերի նախարար Մուստաֆա Չիֆթչին հայտնել է, որ դեպքի վայրում շարունակվում են որոնողափրկարարական և հրդեհաշիջման աշխատանքները։ Վիրավորները տեղափոխվել են հիվանդանոցներ, նրանց առողջական վիճակը վերահսկվում է։

Աղբյուր՝ Diken, Son Dakika