Թուրքիան թույլատրել է ֆրանսիական նավի աշխատանքներն Արևելյան Միջերկրականում

Ֆրանսիան և Հունաստանն Արևելյան Միջերկրականում ծրագրում են կառուցել ստորջրյա էլեկտրական մալուխ, որը Կրետե կղզին կկապի Կիպրոսի հետ։ Ըստ թուրքական կողմի՝ ծրագրի իրականացման համար անհրաժեշտ է եղել Թուրքիայի թույլտվությունը, քանի որ այդ նավը պետք է աշխատանքներ իրկանացներ Թուրքիայի մայրցամաքային շելֆի սահմաններում։

Նշենք, որ ընթացիկ տարվա հոկտեմբերի 27-ից ֆրանսիական դրոշով նավը դուրս էր եկել Կրետե կղզում գտնվող Հերակլիոն նավահանգստից և շարժվել դեպի աշխատանքների իրականացման տարածք։

Ծրագրի իրականացման համար Թուրքիան ֆրանսիական դրոշով նավարկող «Abeille Marengo» հետազոտական նավին մինչև 2027-ի մարտի 19-ը թույլտվություն է տվել։ Որոշումը հրապարակելուց հետո Հունաստանն այն անվավեր է համարել։

Աղբյուր՝ Notbir