Անթալիայում ՄԱԿ-ի կլիմայի փոփոխության շրջանակային կոնվենցիայի կողմերի 31-րդ համաժողովի (COP31) շրջանակում կայացել է ՀՀ վարչապետ Նիկոլ Փաշինյանի և Թուրքիայի նախագահ Ռեջեփ Թայիփ Էրդողանի հանդիպումը։
Հանդիպման ընթացքում քննարկվել են Թուրքիա-Հայաստան երկկողմ հարաբերությունների կարգավորման գործընթացը և տարածաշրջանային հարցեր։
Նախագահ Էրդողանը նշել է, որ Թուրքիայի և Հայաստանի միջև շարունակվող կարգավորման գործընթացն առաջ է ընթանում կառուցողական քայլերով, և արդեն իրականացվել են որոշ խորհրդանշական, սակայն կարևոր քայլեր։
Էրդողանը նաև ընդգծել է, որ Թուրքիան ուշադիր հետևում է Հայաստանի և Ադրբեջանի միջև խաղաղության գործընթացին և աջակցում դրան։
Թուրքական կողմից հանդիպմանը մասնակցել են նաև Արտաքին գործերի նախարար Հաքան Ֆիդանը, այդ երկրում իշխող «Արդարություն և զարգացում» կուսակցության (ԱԶԿ) փոխնախագահ և խոսնակ Օմեր Չելիքը, Ազգային հետախուզական ծառայության (MİT) ղեկավար Իբրահիմ Քալընը, նախագահի աշխատակազմի հաղորդակցության վարչության ղեկավար Բուրհանեթթին Դուրանը, նախագահի գյուղատնտեսության և պարենային քաղաքականության խորհրդի անդամ Մեհդի Էքերը, ինչպես նաև նախագահի արտաքին քաղաքականության և անվտանգության հարցերով գլխավոր խորհրդական Աքիֆ Չաղաթայ Քըլըչը։
ՀՀ վարչապետը տեսանյութ է հրապարակել Էրդողանի հետ հանդիպումից։
Աղբյուր՝ Ermenihaber.am
