Թուրքիայի արտաքին գործերի նախարարությունը քննադատել է Իսրայելի արտգործնախարարության (ԱԳՆ) հայտարարությունը, որտեղ Էրդողանին անվանել են «բռնապետ» և մեղադրել Իսրայելի դեմ ապատեղեկատվական արշավ իրականացնելու մեջ։
Վեճը ծագել է COP31-ի առաջնորդների գագաթնաժողովի բացման արարողության ժամանակ Թուրքիայի նախագահ Ռեջեփ Թայիփ Էրդողանի ելույթից հետո, որի ընթացքում Էրդողանը Գազայում Իսրայելի գործողությունները բնութագրել է որպես «ցեղասպանություն»։
Թուրքիայի ԱԳՆ-ն Իսրայելի հայտարարությունն անվանել է «ստոր և անպարկեշտ զրպարտություն»՝ նշելով, որ դա իսրայելցի պաշտոնյաների՝ իրականությունը թաքցնելու անհաջող փորձերից մեկն է։ Թուրքիայի ԱԳՆ-ն նաև հայտարարել է, որ Թուրքիան շարունակելու է աջակցել պաղեստինցիներին։
Աղբյուր՝ Anadolu
