Հիդրոերկրաբանության հարցերով թուրք փորձագետ Ջելալեթթին Շիմշեքն անդրադարձել է երաշտի հետ կապված խնդիրներին։ Նա նշել է, որ Թուրքիայի հյուսիսային շրջաններում տեղումների քանակն առատ է, իսկ հարավային շրջաններում՝ սակավ։
Ըստ կանխատեսումների՝ մինչև 2040-ը ջերմաստիճանը կբարձրանա 2 աստիճանով, իսկ մինչև 2070-ը՝ 4 աստիճանով և դա հատկապես զգալի կլինի Մարմարա, Էգեյան և Միջերկրական ծովերի շրջաններում։
Մասնագետի կարծիքով՝ Թուրքիան պայքարում է երաշտի դեմ, երկրի ջրային պաշարներն էլ գնալով նվազում են։ Մասնավորապես 240 լճից արդեն ցամաքել է 186-ը։
Շիմշեքը հայտնել է, որ 2040-ին Թուրքիան կդասվի ջրի սակավություն ունեցող երկրների շարքում։
Աղբյուր՝ Haberglobal
