Թուրքիայի էներգետիկայի նախարար Ալփարսլան Բայրաքթարը սեպտեմբերի 24-ին արած հայտարարությամբ՝ տեղեկացրել է, որ Թուրքիայի պետական սեփականություն հանդիսացող նավթագազային խոշոր «BOTAŞ» ընկերությունն ԱՄՆ-ից հեղուկ գազ գնելու վերաբերյալ 20 տարի ժամկետով համաձայնագիր է կնքել «Mercuria и Woodside» ընկերության հետ:
Թուրքական մամուլում ուշադրություն է հրավիրվում այն փաստի վրա, որ այս հայտարարությունն արվում է նախքան ԱՄՆ նախագահ Դոնալդ Թրամփի և Թուրքիայի նախագահ Ռեջեփ Թայիփ Էրդողանի հանդիպումը:
Բացի այդ շեշտվում է, որ որքան էլ Անկարան վերջին տարիներին դիվերսիֆիկացրել է բնական գազի ներմուծումը, Ռուսաստանը շարունակում է մնալ Թուրքիայի համար ամենամեծ մատակարարը, իսկ այս համաձայնագիրը կնքվում է ՌԴ-ից գազի ներմուծման համաձայնագրի վերջին տարվան ընդառաջ:
Ընդգծվում է նաև, որ ԱՄՆ-ի կողմից ՌԴ-ի նկատմամբ սահմանված վերջին պատժամիջոցների փաթեթի շրջանակում 2026-ից հետո ՌԴ-ից հեղուկ գազի ներմուծումն արգելվելու է:
Ասվում է նաև, որ Էրդողանի՝ Նյու Յորք այցելության ընթացքում ստորագրված համաձայնագրով Թուրքիային տարեկան 4 մլրդ խմ հեղուկ գազ է մատակարարվելու:
ՌԴ-ի ու Թուրքիայի գյուղատնտեսական առևտրի ծավալը կազմել է 6 մլրդ դոլար
Ռուսաստանը Թուրքիա է արտահանում հացահատիկ ու նավթամթերք, իսկ դրա դիմաց ստանում է միրգ-բանջարեղեն։
