Սեպտեմբերի 25-ին Թուրքիայի նախագահ Ռեջեփ Թայիփ Էրդողանը Սպիտակ տանը հանդիպում է ունեցել ԱՄՆ նախագահ Դոնալդ Թրամփի հետ:
Նախքան հանդիպումը կողմերն ընդլայնված կազմով օվալաձև սենյակում հանդես են եկել ողջույնի խոսքով, ինչպես նաև պատասխանել լրագրողների հարցերին:
Էրդողանն ընդգծելով է, որ ինչպես Թրամփի նախագահության առաջին, այնպես էլ երկրորդ շրջանում Թուրքիա-ԱՄՆ հարաբերություններն այլ ընթացք ունեն:
«Ես հավատում եմ, որ մենք լավ հնարավորություն ենք ունենալու համապարփակ քննարկելու թե՛ F-35, թե՛ F-16-ի (ամերիկյան արտադրության կործանիչներ-խմբ.) և թե՛ «Halk Bankası»-ի հետ կապված մեր հարաբերություններին վերաբերող հարցերը»:
Նախքան հանդիպման մեկնարկը Թրամփը ևս պատասխանել է լրագրողների հարցերին:
Վերջինս նշել է, թե Էրդողանի հետ երկար ժամանակ է ինչ բարեկամներ են, ապա ասել. «Շատ հարգարժան մեկն է: Իր երկրում, ամբողջ Եվրոպայում և ամբողջ աշխարհում մեծ հարգանք ունի»:
Բացի այդ, Թրամփը Թուրքիայի նախագահին է վերագրել «Թուրքիայի հսկայական բանակի» ստեղծումը և ընդգծել, որ իր համար մեծ պատիվ է Սպիտակ տանը Էրդողանին հյուրընկալելը:
Հավելենք, որ փակ հանդիպումը տևել է ավելի քան 2 ժամ, ինչից հետո Էրդողանը հեռացել է Սպիտակ տնից:
Հայ-թուրքական հարաբերություններում Ադրբեջանի շահերը չպետք է լինեն առաջնային
Ըստ «Ավագների թուրքական միության» փոխնախագահի՝ հակառակ դեպքում այն հակասում է «մեկ ազգ, երկու պետություն» սկզբունքին:
