Անկարայում մեկնարկել է Թուրքիայի, Ադրբեջանի և Վրաստանի պաշտպանության նախարարների ժողովը։ Նախատեսվում է, որ կողմերը կքննարկեն տարածաշրջանային անվտանգության, ռազմական համագործակցության և համատեղ ռազմական վարժանքների վերաբերյալ հարցեր:
Ժողովի շրջանակներում Թուրքիայի պաշտպանության նախարար Յաշար Գյուլերն ընդունել է Ադրբեջանի պաշտպանության նախարար Զաքիր Հասանովին։ Նշվում է, որ նախարարները քննարկել են երկու երկրների միջև ռազմական հարաբերությունները և այդ ոլորտում համատեղ տարվող աշխատանքները։
Այնուհետև Գյուլերն առանձին հանդիպում է ունեցել նաև Վրաստանի պաշտպանության նախարար Իրակլի Չիկովանիի հետ։
Աղբյուր՝ Anadolu
