Թուրքիայի, Ադրբեջանի և Պակիստանի խորհրդարանների ղեկավարների հանդիպումը Իսլամաբադում

Թուրքիայի Ազգային մեծ ժողովի նախագահ (ԹԱՄԺ) Նուման Քուրթուլմուշը մեկնել է Պակիստան՝ մասնակցելու Պակիստանի, Թուրքիայի և Ադրբեջանի խորհրդարանների ղեկավարների եռակողմ հանդիպմանը։

Հանդիպման ընթացքում Քուրթուլմուշն անդրադարձել է այպես կոչված «Զանգեզուրի միջանցքին», Հարավային Կովկասին և Հայաստանի ու Ադրբեջանի հարաբերություններին։ Նա նշել է, որ Հայաստանի հետ բանակցություններն Ադրբեջանը հասցրել է առաջադեմ փուլի։

Քուրթուլմուշը նաև ընդգծել է, որ Կովկասում դրական զարգացումները և «Զանգեզուրի միջանցք» կոչվածի առկայությունը ոչ միայն հնարավորություն են տալիս տարածաշրջանի երկրներին զարգացնել ավելի սերտ տնտեսական, քաղաքական և մարդասիրական հարաբերություններ, այլև ի հայտ են բերում այնպիսի հնարավորություններ, ինչպիսիք են Միջին միջանցքի ռազմավարական ամրապնդումը։

Նշվում է, որ Թուրքիայի խորհրդարանի նախագահը կհանդիպի նաև Պակիստանի Ազգային ժողովի նախագահ Սերդար Սադըքի և Ադրբեջանի խորհրդարանի նախագահ Սահիբա Գաֆարովայի հետ։

Աղբյուր՝ Anadolu