Թուրքիայի արտաքին գործերի նախարար Հաքան Ֆիդանն Անկարայում հանդիպել է սիրիացի գործընկերոջ հետ։ Հանդիպումներ են տեղի ունեցել նաև երկու երկրների պաշտպանության նախարարների և հետախուզության ղեկավարները մակարդակով։ Հանգամանորեն քննարկվել են երկկողմ հարաբերությունների ռազմավարական ասպեկտները, հատկապես Սիրիայի տարածքային ամբողջականության պահպանման շրջանակներում անվտանգության լիարժեք ապահովման համար ձեռնարկվելիք համատեղ քայլերը:
Հանդիպումից հետո Ֆիդանը գրառում է արել սոցմեդիայի իր էջում:
«Սիրիայի կառավարությունն ունի բավարար կամք և վճռականություն՝ հաղթահարելու իր առջև ծառացած բարդ մարտահրավերները: Այդ ճանապարհին մենք կշարունակենք ամեն տեսակի աջակցություն ցուցաբերել մեր սիրիացի եղբայրներին»,- գրել է նա՝ շեշտելով, որ իրենք Սիրիայի անվտանգությունը չեն տարանջատում Թուրքիայի անվտանգությունից:
Աղբյուր՝ TRT haber
