Թուրքիայի նախագահ Ռեջեփ Թայիփ Էրդողանը Եգիպտոսում մասնակցել է Մերձավոր Արևելքի Խաղաղության գագաթնաժողովին։ Այցի շրջանակներում Էրդողանը հանդիպել է մի շարք երկրների ղեկավարների հետ։ Թուրքիայի նախագահի աշխատակազմի հանրային կապերի վարչության տարածած հաղորդագրությունների համաձայն՝ տեղի է ունեցել առանձնազրույցներ Ֆրանսիայի նախագահ Էմանուել Մակրոնի, Իտալիայի վարչապետ Ջորջ Մելոնիի, Մեծ Բրիտանիայի վարչապետ Քիր Սթարմերի, ԱՄԷ փոխնախագահ շեյխ Մանսուր բին Զայեդ Ալ Նահյանի և Կատարի էմիր Թամիմ բին Համադ Ալ Թանիի հետ։
Նշվել է, որ Մեծ Բրիտանիայի վարչապետ Սթարմերի և Էրդողանի հանդիպման ընթացքում քննարկվել են երկկողմ հարաբերությունները, ինչպես նաև տարածաշրջանային և գլոբալ հարցեր։ Էրդողանը նշել է, որ Թուրքիան և Մեծ Բրիտանիան աշխատում են համագործակցությունը զարգացնելու ուղղությամբ՝ հատկապես ռազմարդյունաբերության ոլորտում։ Կողմերը անդրադարձել են նաև Գազայի հարցին։
ԱՄԷ փոխնախագահ շեյխ Մանսուր բին Զայեդ Ալ Նահյանի հետ հանդիպմանը նույնպես քննարկվել են երկկողմ հարաբերությունները, տարածաշրջանային և գլոբալ հարցեր։ Էրդողանն ընդգծել է, որ Թուրքիայի և ԱՄԷ-ի միջև քաղաքական հարաբերությունների զարգացումը նպաստում է նաև առևտրի և ներդրումների ոլորտում համագործակցությանը, և որ նրանք ձգտում են այլ ոլորտներում ևս առաջընթաց գրանցել, մասնավորապես՝ պաշտպանական արդյունաբերությունում։
Աղբյուր՝ İletisim.gov
