Էրդողանն Անկարայում ընդունել է Հարավային Աֆրիկայի փոխնախագահին

Թուրքիայի նախագահ Ռեջեփ Թայիփ Էրդողանն Անկարայում ընդունել է Հարավային Աֆրիկայի փոխնախագահ Փաուլ Մաշաթիլեին։ Թուրքիայի նախագահականի հանրային կապերի վարչության համաձայն՝ կողմերը քննարկել են երկկողմ հարաբերությունները, ինչպես նաև տարածաշրջանային և համաշխարհային նշանակության հարցեր։

Էրդողանը նշել է, որ երկուստեք աշխատանքներ են տարվում առկա համագործակցությունը զարգացնելու համար, ապա նաև հաջողություն մաղթել Թուրքիայի և Հարավային Աֆրիկայի «Երկկողմ ազգային հանձնաժողովի» նիստում ընդունված որոշումների իրականացման գործում։

Բացի այդ Թուրքիայի նախագահը նախ ողջունել է Հարավային Աֆրիկայի դիրքորոշումը Պաղեստինի հարցում։ Ապա անդրադարձել է Պաղեստինի Գազայի հատվածում տիրող իրավիճակին՝ շեշտելով, որ իրենք հետևում են հումանիտար բեռների անխոչընդոտ մուտքի և հաստատված հրադադարի պահպանմանը։

Էրդողանը Մաշաթիլեին մաղթել է հեշտ գործընթաց նոյեմբերին Հարավային Աֆրիկայում գումարվելիք «G20-ի գագաթնաժողովի» նախապատրաստական աշխատանքներում և վերահաստատել Անկարայի մասնակցությունն այդ գագաթնաժողովին։

Աղբյուր՝ TRT Haber