Թուրք-ամերիկյան համագումար, նոր ռազմավարություն

Գիտակրթական09:54, 13 Ապրիլ 2012

Թուրք-ամերիկյան համագումար, նոր ռազմավարություն

Ամերիկայի Միացյալ Նահանգների մայրաքաղաք Վաշինգտոնում մեկնարկել է Թուրք-ամերիկյան միությունների ֆեդերացիայի (ԹԱՄՖ-TADF), Թուրք-ամերիկյան միությունների ասամբլեայի (ԹԱՄԱ-ATAA) և Թուրք-ամերիկյան համայնքային կենտրոնի (ԹԱՀԿ-TACC) կողմից կազմակերպված թուրք-ամերիկյան 32-րդ համագումարը: Թուրքական «Զաման» (Zaman) առցանց օրաթերթի տեղեկացմամբ` համագումարի նպատակն ամերիկաբնակ թուրքերի ձայնն ավելի լսելի դարձնելն է, իսկ մասնակցությունը քաղաքական գործընթացներին` ավելի ազդեցիկ:

Ելույթ ունեցողներից «ATAA» գործադիր խորհրդի անդամ Գյունայ Էվինչը նշել է, որ թեև թուրքերը չեն ողջունում «քաղաքականության մեջ փող» գաղափարը, այնուամենայնիվ, Միացյալ նահանգներում փողն ազդեցիկ գործիք է քաղաքական գործընթացներում: «Պապս ինձ մի պատգամ էր ավանդել այն մասին, որ արդար լինելը դեռ բավարար չէ, պետք է նաև համոզիչ լինել,- ասել է Գյունայը: -Եվ ահա մենք էլ, որպես ԱՄՆ-ում թուրքական համայնք, մեր աշխատանքներով և մեր լոբբիստական գործունեությամբ պետք է համոզիչ երևանք մեր պաշտպանած հարցերում»:

Համագումարի հայջորդ ելույթներում անդրադարձ է եղել հայկական թեմային ու մասնավորապես ամերիկահայության գործելաոճին: Բանախոսներից մեկն ընգծել է այն հանգամանքը, որ, օրինակ, մի շրջանում ապրող ընդամենը մեկ հայի ձայնը կարող է շատ լսելի լինել և ազդել քաղաքական գործիչների վրա, քան մի քանի հոգու ձայնը: Հետևաբար թուրքերը ևս պետք է կարևորեն ոչ թե մարդաքանակը, այլ իրենց ձայնը լսելի դարձնելու կարողությունը:

Թուրք-ամերիկյան իրավապաշտպան հիմնադրամի գլխավոր խորհրդական Բրյուս Ֆեինը ներկաների ուշադրություն է հրավիրել այն իրողության վրա, որ Միացյալ Նահանգներում քիչ են այն գիտնականները, ովքեր համարձակվում են հակառակվել Հայոց ցեղասպանության մասին հայկական տեսակետին: Ֆեինը կոչ է արել, որպեսզի ԱՄՆ-ի թուրքական համայնքն այսուհետև ավելի լայն աջակցություն ցուցաբերի նման գիտնականներին:

Այս ենթաբաժնի վերջին նորությունները

13:30, 25 մարտ

Թուրքիայում հայերեն գիրք է տպագրվել

Գիրքը տպագրվել է Ստամբուլի Օրթաքյոյ թաղամասի Սուրբ Մարիամ Աստվածածին եկեղեցու հիմնադարմի հովանավորությամբ։

15:20, 18 մարտ

Թուրքիայում մեկնարկել են ադրբեջաներենի դասընթացներ

Դասընթացը անցկացվում է Ադրբեջանի դեսպանատանն առընթեր գործող «Ադրբեջանի մշակութային կենտրոնի» մեկնարկած ծրագրի շրջանակներում։

15:17, 26 փետ

Գամբիայում զինվորները թուրքերեն են սովորում Աթաթուրքի անունը կրող դասարանում

Գամբիայի զինված ուժերի անձնակազմը թուրքերենի դասեր է անցնում, որպեսզի կրթությունը շարունակի Թուրքիայում։

Ուղիղ խոսք

Անկարայում հարձակում TUSAŞ-ի վրա․ մանրամասներ և վերլուծություն

ամենաշատ ընթերցված

Ինջիրլիքի ռազմաբազայում Թուրքիայի և YPG-ի միջև հրադադարի համաձայնագիր է կնքվել

Նման լուրեր տարածվել են նաև քրդերեն հրապարակվող որոշ լրատվականներում, ինչպես նաև արաբական մեդիայում:

Թուրքիան 6 տարվա ընդմիջումից հետո վերսկսում է ԵՄ-ի հետ բարձր մակարդակի տնտեսական երկխոսությունը

Թուրքիայի գանձապետարանի և ֆինանսների նախարարը նշել է, որ Թուրքիան պատրաստ է ԵՄ-ի հետ ավելի ամուր համագործակցության։

Ի պատասխան CHP-ի բոյկոտի կոչի՝ Թուրքիայի պետպաշտոնյանները այցելել են խանութներ ու գնումներ կատարել

Նախարարներն այցելել են տարբեր խանութներ և լուսանկարներ հրապարակել խանութներից՝ ցույց տալով, որ մարդիկ չեն բոյկոտում։

Մոուրինյոյի և թուրք մարզչի միջև սկանդալային միջադեպ է տեղի ունեցել

Միջադեպից հետո Ժոզե Մոուրինյոն կարմիր քարտ է ստացել։

Թուրքիայի ԱԳՆ. «Իսրայելն ապակայունացնում է տարածաշրջանը»

Թուրքիան խստորեն դատապարտել է Իսրայելի նախարարների՝ Թուրքիայի հասցեին հնչող հայտարարությունները, ինչպես նաև տարածաշրջանում այդ երկրի իրականացվող գործողությունները: