Հասարակական12:03, 18 Սեպտեմբեր 2012
Թուրքիայում քննարկվում է Վանա լճի անվանափոխության հարցը
Թուրքական լրատվամիջոցների տեղեկացմամբ` Թուրքիայի Բիթլիս նահանգի
բնակչությունը ցանկանում է փոխել տալ Վանա լճի անունը: Ներկայիս Թուրքիայի
վարչատարածքային բաժանման համաձայն` լճի մեծ մասը` 65 տոկոսը, գտնվում է
Բիթլիս նահանգում: Այդ պատճառով էլ
բիթլիսցիներն առիթից օգտվելով կամենում են Վանա լիճն անվանափոխել և կոչել Թաթվանի
ծով: Թաթվանը լճի հարավային մասում գտնվող մի բանկավայր է:
Բիթլիսի քաղաքապետ Ֆեհմի Ալայդընը նույնպես կողմնակից է այդ անվանափոխությանը` վկայաբերելով Օսմանյան շրջանում լճի` Թաթվանի ծով կոչվելու հանգամանքը: Բիթլիսցիներից մեկն էլ` Էնգին Սանաջաք անունով, լրագրողներին հայտնել է, թե իրենց ձեռքին կան պատմագիտական արժեքավոր փաստաթղթեր, որոնք վկայում են այն մասին, թե իբր լճի պատմական անունը եղել է Թաթվան: Իսկ եթե անգամ իրենց չհաջողվի լիճն անվանափոխել, ապա գոնե այն պետք է կոչվի Բիթլիս-Վան լիճ:
Հիշեցնենք, որ Օսմանյան տիրապետության շրջանից դեռ շատ առաջ Հայկական լեռնաշխարհի
սահմաններում ամփոփված Վանա լիճը պատմագիտական և մատենագրական բոլոր
հիշատակություններում նշվել է որպես Վան, Տոսպա, Ռշտունյաց կամ Բզնունյաց ծով:
Իսկ Թաթվանն Օսմանյան ժամանակշրջանում ի հայտ եկած թուրքական տեղանուն է:
Ermenihaber.am
Այս ենթաբաժնի վերջին նորությունները
Նշվում է, որ ամենապահանջված մասնագիտությունների ցանկը պարզելու համար կատարվել է 34.736 հարցում։
Ստամբուլում մեկնարկած «Ոճիր և պատիժ ֆիլմի 14-րդ միջազգային փառատոնի» շրջանակներում 60 ֆիլմ է ցուցադրվել, որից միայն մեկն է եղել քրդերեն:
Եվրոպայի վիճակագրական ինստիտուտն իրականացրած հետազոտույթունների արդյունքների հիման վրա կազմել է օտար լեզուներ իմացող բնակչությամբ երկրների ցանկը։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Թուրքիայի նախագահն անդրադարձել է Իսրայելի վարչապետ Բենյամին Նեթայահուի և նախկին ՊՆ ղեկավար Յոավ Գալանտի ձերբակալման որոշմանը:
Թուրք լրագրող Ֆեհմի Քորուն իր հոդվածում անդրադարձել է իշխանական ԱՇԿ-ի առաջնորդի՝ Աբդուլլահ Օջալանի մասին հայտարարությանը։
Հանդիպման օրակարգի վերաբերյալ մանրամասներ չեն հաղորդվել:
Նախարար Գյուլերը նշել է, որ S-400-ը կօգտագործվի միայն այն դեպքում, երբ օդային հարձակման սպառնալիքը հասնի շատ բարձր մակարդակի։
Բիթլիսում 9 կմ խորության վրա գրանցված երկրաշարժը զգացվել է նաև հարակից նահանգներում և շրջաններում։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |