Հոլանդիայի խորհրդարանում` թուրքամետ քվեարկություն

Միջազգային09:43, 21 Դեկտեմբեր 2012

Հոլանդիայի խորհրդարանում` թուրքամետ քվեարկություն

Ինպես հայտնում է CNNTurk» լրատվական ծառայությունը, Հոլանդիայի խորհրդարանի ստորին պալատը վավերացրել է Թուրքիային հակաօդային պաշտպանության «Patriot» զենիթահրթիռային համակարգեր տրամադրելու մասին կառավարության որոշումը: ՆԱՏՕ-ի շրջանակներում ռազմատեխնիկական աջակցության այդ ծրագրին կողմ են քվեարկել ինչպես իշխանական, այնպես էլ ընդդիմադիր ուժերը:

Հոլանդիայի արտգործնախարար Ֆրանս Թիմմերմանսը շնորհակալություն է հայտնել օրենսդիրներին կառավարության որոշմանը հավանություն տալու համար և ընդգծել, որ «Patriot» համակարգերը Թուրքիա են ուղարկվելու թուրք ժողովրդին ու պետության սահմանների անվտանգությունն ապահովելու համար:

Աղբյուրի համաձայն` նախատեսված է, որ 2013-ի հունվարի 2-րդ կեսին Թուրքիան կստանա 2 «Patriot» համակարգ: Հոլանդիան Թուրքիա է ուղարկելու նաև 360 հոգուց բաղկացած զինվորական անձնակազմ:

Հիշեցնենք, որ Գերմանիան ևս թուրքական զինուժին տրամադրելու է նման զենիթահրթիռային համակարգ 2013-ի հունվարին:

Ermenihaber.am