ERMENI HABER AJANSI

Թուրքիայում զգալիորեն աճել է ֆեյսբուք (facebook) սոցիալական ցանցից օգտվողների թիվը: Վկայակոչելով սոցմեդիայի մասնագետների պատրաստած զեկույցը` «CNNTurk» լրատվականը տեղեկացնում է, որ շուրջ 74 միլիոնանոց Թուրքիայում ֆեյսբուքից օգտվում է բնակչության ավելի քան մեկ երրորդը: Օգտատերերի թիվը 2011-ին Թուրքիայում կազմել է 28.2 մլն, իսկ 2012-ին այն հասել է 28.9 միլիոնի:

Նշվում է նաև, որ ֆեյսբուքը 137 երկրներից 127-ում դարձել է ամենից շատ օգտագործվող սոցցանցը: Զեկույցում նշված է, որ ֆեյսբուքը 2012 թվականին լայն մասսայականություն է ձեռք բերել հատկապես ասիական երկրներում: Ֆեյսբուքի օգտատերերի թվով առաջին տեղում մայրցամաքներից Ասիան է (278մլն), երկրորդ տեղում` Եվրոպան (251մլն), երրորդում` Հյուսիսային Ամերիկան (243մլն): Միևնույն ժամանակ սակայն, նկատվել է, որ Ամերիկայի Միացյալ Նահանգներում ֆեյսբուքյան օգտատերերի թիվը նախկինի համեմատ նվազել է 6 միլիոնով:

Ermenihaber.am