Դավութօղլուն դժգոհել է ՄԱԿ-ից, Իրանից, բոլորից, բացի Թուրքիայից

Միջազգային11:07, 08 Մարտ 2013

Դավութօղլուն դժգոհել է ՄԱԿ-ից, Իրանից, բոլորից, բացի Թուրքիայից

Թուրքիայի արտգործնախարար Ահմեթ Դավութօղլուն, ելույթ ունենալով Լոնդոնի «Schools of Economic» համալսարանում, խոսել է սիրիական խնդրի լուծման հրատապության մասին:

Ինչպես հայտնում են թուրքական լրատվամիջոցները, Դավութօղլուն դժգոհել է միջազգային հանրության դանդաղկոտությունից, որ ցուցաբերում է սիրիական ճգնաժամի հարցում: Նա մասնավորապես ընդգծել է ՄԱԿ-ի գործունեության անարդյունավետությունը, որ երկու տարի շարունակ պտուղ չի տալիս:

Թուրքիայի արտգործնախարարը քննադատել է նաև պաշտոնական Թեհրանին, որը լռության է մատնում Ասադի ռեժիմի ժողովրդական ջարդերը` նշելով, որ Սիրիայի հարցում Թուրքիան ու Իրանը բավական տարաձայնություններ ունեն:

Դավութօղլուն, սակայն, չի անդրադարձել Թուրքիայի տարածքում զինվող և Սիրիա ուղարկվող գրոհայինների մասին, որոնց դեմ երկար ժամանակ պատերազմական գործողությունների մեջ է սիրիական բանակը:

Ermenihaber.am