Մշակութային08:02, 08 Ապրիլ 2013
Թուրքիայի առաջին արևմտահայերեն ձայնասկավառակը
Թուրքիայում առաջին անգամ արևմտահայերենով ձայնասկավառակ է լույս ընծայվել, որը կոչվում
է «Տարիներ հետո»: «Հաբերթուրք» լրատվական
կայքը հարցազրույց է վերցրել ձայնասկավառկում տեղ գտած երգերի բառերի և երաժշտության հեղինակ, հայազգի երգչուհի Էրլին Թոմաօղլուից: Երգչուհին նշել է, որ շատ է ցանկացել հայերենը օգտագործել իր ստեղծագործությունների մեջ և երջանիկ է, որ այն լույս է տեսել հենց Թուրքիայում:
«Հայաստանում արևելահայերենն են օգտագործում, իհարկե, արևմտահայերենով էլ երգեր կան, սակայն դրանք Թուրքիայից չեն՝ կամ Ամերիկայից են գալիս, կամ Լիբանանից»,-պարզաբանել է Թոմաօղլուն: Խոսելով ձայնասկավառակի մասին՝ նա նշել է, որ այն մի առանձնահատկություն ունի. իր մեջ մեկտեղել է Թուրքիայի բոլոր յուրահատկությունները: Ամեն մեկն իրեն հարազատ մի բան կարող է գտնել այնտեղ, քանի որ կան, և դասական, և ժողովրդական, և ազգային երաժշտության տարրեր:
Հարցին, թե արդյոք իրեն այս հողերում օտար զգացել է, հայ
երգչուհին ի պատասխան
ասել է, որ նման օտարություն չզգալու բախտավորություն է ունեցել
և իր հայ լինելը միայն դրական ներգործություն է ունեցել իր երգարվեստի մեջ: Բայց և ընդգծել է, որ իր օրինակը չի նշանակում, թե մյուս
հայերը նույնքան բախտավոր են այդ հարցում:
Վերջում երգչուհին հավելել է, որ ավելի լավ աշխարհի ու երեխաների ավելի լավ ապագայի համար մարդիկ արդեն պետք է ավելի խելացի լինեն: «Իսկապես, ավելի խաղաղ ուղիներ պետք է փորձել գտնել: Մարդիկ երջանիկ լինելու իրավունք ունեն: Եթե անհատները
երջանիկ լինեն, հասարակությունն էլ երջանիկ կլինի»,- եզրափակել է երգչուհին:
Ermenihaber.am
Այս ենթաբաժնի վերջին նորությունները
հայոց միջնադարյան մայրաքաղաքը շարունակում է մեծ ուշադրության արժանանալ տեղացի ու օտարերկրյա զբոսաշրջիկների կողմից։
Թատերական խմբակի ղեկավար Էրթյուրք Էրքեքը ներկայացման վերջում պատասխանել է հանդիսատեսի հարցերին։
«Մենք այստեղ ենք՝ ներկայացնելու մեր լեզուն, մշակույթը և կիսելու մեր ընդհանուր ժառանգությունը»,-ասվել է Յունուս Էմրեի անվան համալսարանի սոցցանցյան գրառման մեջ։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Լոնդոնում կազմակերպվել է նրանց հանդիպումը։
Թուրքիայի ներքին գործերի նախարար Ալի Յերլիքայան սոցցանում գրառում է արել երկրում ներգաղթյալների թվաքանակի վերաբերյալ։
Միջազգային քրեական դատարանն Իսրայելի վարչապետին և նախկին պաշտպանության նախարարին «պատերազմական հանցագործության» մեղադրանքով ձերբակալելու որոշում էկայացրել։
Թուրքիայի արտգործնախարար Հաքան Ֆիդանն անդրադարձել է Թուրքիայի՝ «BRICS»-ին անդամակցելու գործընթացին և Եվրամիության հետ ունեցած հարաբերություններին։
Նա նաև ընգծել է, որ Թուրքիայի կառուցողական կամքն է՝ աստիճանաբար կարգավորել երկկողմ հարաբերությունները` համակարգելով Ադրբեջանի հետ։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |