Հասարակական11:28, 08 Ապրիլ 2013
Ադրբեջանցի դիվանագետը թուրքական թերթին` «Դուք բոլորդ հայ եք»
Թուրքական «Ռադիքալ» թերթն իր կայքում հրապարակել է հոդված` ադրբեջանցի դիվանագետ Էլսեվեր
Սալմանովի լկտի պահվածքի վերաբերյալ: Թուրքիայի մայրաքաղաք Անկարայում գտնվող Ադրբեջանի
դեսպանատան աշխատակից, Ադրբեջանցի
դիվանագետ Էլսեվեր Սալմանովն արել է ռասիստական բնույթի սանձարձակ
արտահայտություններ` դրանք հասցեագրելով թերթի,
թերթի աշխատակիցների և մասնավորապես հայերին:
Բանն այն է, որ Անկարայի երաժշտական փառատոնի ծանոթագրական գրքույքներում «Սարը գելին» երգի հայկական ծագման մասին գրությունը դուր չի եկել Սալմանովին: Վերջինս չի կարողացել զսպել իր ատելությունը և ռասիստական բնույթի արտահայտություններ է հնչեցրել: «Ռադիքալ» թերթը ներկայացրել ադրբեջանցի դիվանագետի ֆեյսբուքյան էջում կատարած գրառումը:
«Սույն թվականի ապրիլի 3-ին և 4-ին նախատեսված էր անցկացնել Անկարայի երաժշտական փառատոնը: Աչքի էի անցկացնում երաժշտական կատարումների մասին տեղեկություններ պարունակող գրքույկը: Այն թերթելիս մարդուն վերջին աստիճան նյարդացնող մի գրառման հանդիպեցի այն մասին, թե «Սարը գելին» երգը իբր հայկական է, այն էլ` գրված մեծատառերով: Այս խնդիրը տարբեր մարդիկ տարբեր ձև կմեկնաբանեն: Այստեղ հարց է առաջանում ինչու՞ թերթը պետք է իրեն այսպիսի փորձության ենթարկի»:
Ադրբեջանցի դիվանագետը եզրակացրել է, որ կամ թերթի աշխատակիցների մեջ կան հայեր, ովքեր դավաճանելով թերթի սկզբունքները առաջնորդվել են ազգային զգացումներով: Կամ էլ «Ռադիքալ»-ը թերթը անձնվեր ծառայություն է մատուցում հայերին: Ազերի դիվանագետն իր գաղափարակիցներին կոչ է արել անպատվել հայերին ու «Ռադիքալ» թերթին:
«Ռադիքալ»-ի սյունակագիր Դենիզ Զեյրեքը Սալմանովին մեղադրել է դիվանագիտական էթիկան խախտելու և ազգային ատելություն հրահրելու մեջ: Նա դիմել է Թուրքիայի արտգործնախարարություն և պահանջել գնահատական տալ ադրբեջանցի դիվանագետի սանձարձակ գործողություններին ու արտաքսել երկրից:
Ermenihaber.am
Այս ենթաբաժնի վերջին նորությունները
Նշվում է, որ ամենապահանջված մասնագիտությունների ցանկը պարզելու համար կատարվել է 34.736 հարցում։
Ստամբուլում մեկնարկած «Ոճիր և պատիժ ֆիլմի 14-րդ միջազգային փառատոնի» շրջանակներում 60 ֆիլմ է ցուցադրվել, որից միայն մեկն է եղել քրդերեն:
Եվրոպայի վիճակագրական ինստիտուտն իրականացրած հետազոտույթունների արդյունքների հիման վրա կազմել է օտար լեզուներ իմացող բնակչությամբ երկրների ցանկը։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Թուրքիայի նախագահն անդրադարձել է Իսրայելի վարչապետ Բենյամին Նեթայահուի և նախկին ՊՆ ղեկավար Յոավ Գալանտի ձերբակալման որոշմանը:
Թուրք լրագրող Ֆեհմի Քորուն իր հոդվածում անդրադարձել է իշխանական ԱՇԿ-ի առաջնորդի՝ Աբդուլլահ Օջալանի մասին հայտարարությանը։
«Թուրքիայի արտահանողների միության» նախագահի պաշտոնակատար Ահմեդ Գյուլեչն անդրադարձել է Թուրքիայի կողմից ԱՄՆ-ում կատարված ներդրումներին։
Բիթլիսում 9 կմ խորության վրա գրանցված երկրաշարժը զգացվել է նաև հարակից նահանգներում և շրջաններում։
Նախարարության «X»-ում կատարած գրառման մեջ նշվում է, որ հանդիպումը կայացել է «ՄԱԿ քաղաքակրթությունների դաշինքի 10-րդ համաշխարհային համաժողովի շրջանակներում»։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |