Մշակութային12:50, 09 Ապրիլ 2013
Թուրքերը մեծարում են հայ ճարտարապետին` առանց նշելու նրա ազգությունը
Թուրքիայի Կայսերի նահանգի Մելիքգազի շրջանի
Աղըրնաս ավանում նշվել է Օսմանյան կայսրության նշանավոր հայազգի ճարտարապետ Սինանի
հիշատակը: Կազմակերպված միջոցառմանը մասնակցել են փոխնահանգապետը, փոխքաղաքապետը,
«Էրջիյես» համալսարանի ռեկտորը և մի շարք այլ կուսակցական ու հասարակական
գործիչներ: Մասնակցել են նաև դպրոցականներ, ուսանողներ, որոնք կարդացել են
ճարտարապետ Սինանի մասին գրած իրենց շարադրությունները, ներկայացրել նրա
կենսագրությունը:
Կայսերիի փոխնահանգապետ Իբրահիմ Չոմաքթեքինը ևս հանդես է եկել ելույթով: Սինանի ճարտարապետական տաղանդի մասին հիացմունք հայտնելուց հետո ոչ նահանգապետը, ոչ մյուս ներկաները չեն նշել նրա հայկական ծագման մասին: Սկսյալ 2011 թվականից ամեն տարի այս օրը կազմակերպվում է միջոցառում` ի հիշատակ ճարտարապետ Սինանի: Այնուհետև այց է կատարվել Սինանի ծննդավայր, այն տունը որտեղ նա ծնվել-մեծացել է, կազմակերպվել է ցուցահանդես, որոշ ուսանողների հանձնվել են Սինանի անվան մրցանակներ:
Ոչ ոք այդպես էլ չի նշել նախկին օսմանցիների ու ներկայիս թուրքերի պարծանք հանդիսացող ճարտարապետի հայկական ծագման մասին: Մինչդեռ պետք է նշել, որ Սինանը ծնվել է այն բնակավայրում, որի բնակչությունը բացառապես հայերից է բաղկացած եղել: Սուլթան Սելիմ Ահեղի օրոք կատարված մանկահավաքի (դևշիրմե) ժամանակ Սինանը ևս հավաքագրվել է: Ընդունվել է զինվորական դպրոց, հետագայում ծառայել ենիչերների զորամասում՝ որպես սակրավոր սպա: Որպես ենիչերի` մասնակցել է սուլթան Քանունիի` դեպի Բելգրադ կատարած առաջին արշավանքին: 1551 թ-ին արժանացել է փաշայի աստիճանի: Որոշ աղբյուրների հավաստմամբ` Սինանը եղել է առաջին հայ փաշան: Հետագայում դարձել է կայսրության գլխավոր ճարտարապետը և մնացել այդ պաշտոնում 40 տարի շարունակ 3 սուլթանների օրոք: Սինանը հեղինակել է բազմաթիվ մզկիթներ, դամբարաններ, կամուրջներ, պալատներ և բաղնիքներ: Սինանին է վերագրվում շուրջ 360 շինություն, որոնցից 81-ը` Թուրքիայում:
Հատկանշական
է թուրքական «Վաթան» օրաթերթի սյունակագիր Սանեմ Ալթանի հոդվածներից մեկում տեղ
գտած հետևյալ հատվածը.
«Հուսով եմ, որ եթե մի օր այս մեծ վարպետի` Սինան ճարտարապետի կյանքին նվիրված որևէ ֆիլմ նկարահանվի, դուք չեք լինի մեկը նրանցից, ովքեր կըմբոստանան ու կասեն` «Նա մուսուլման է ծնվել»:
Մխիթար
Նազարյան
Այս ենթաբաժնի վերջին նորությունները
հայոց միջնադարյան մայրաքաղաքը շարունակում է մեծ ուշադրության արժանանալ տեղացի ու օտարերկրյա զբոսաշրջիկների կողմից։
Թատերական խմբակի ղեկավար Էրթյուրք Էրքեքը ներկայացման վերջում պատասխանել է հանդիսատեսի հարցերին։
«Մենք այստեղ ենք՝ ներկայացնելու մեր լեզուն, մշակույթը և կիսելու մեր ընդհանուր ժառանգությունը»,-ասվել է Յունուս Էմրեի անվան համալսարանի սոցցանցյան գրառման մեջ։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Լոնդոնում կազմակերպվել է նրանց հանդիպումը։
Թուրքական «Repkon» ընկերությունը, որը մասնագիտացած է ռազմական ոլորտի արտադրական հոսքագծերի կառուցման մեջ, պայմանագիր է կնքել Պակիստանի «Wah Industries Limited»-ի հետ:
Քվանտային համակարգիչները կբարձրացնեն Թուրքիայի մրցունակությունը ռազմարդյունաբերությունից մինչև ֆինանսական տեխնոլոգիաներ:
Միջազգային քրեական դատարանն Իսրայելի վարչապետին և նախկին պաշտպանության նախարարին «պատերազմական հանցագործության» մեղադրանքով ձերբակալելու որոշում էկայացրել։
Թուրքիայի արտգործնախարար Հաքան Ֆիդանն անդրադարձել է Թուրքիայի՝ «BRICS»-ին անդամակցելու գործընթացին և Եվրամիության հետ ունեցած հարաբերություններին։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |